महावीर जयंतीनिमित्त मुक्या प्राण्यांसाठी पाण्याची सेवा; आभाळमाया ग्रुपचा स्तुत्य उपक्रम..
बारामती (रामायण धर्माधिकारी):श्री भगवान महावीर स्वामी जन्म कल्याण निमित्त आभाळमाया सेवाभावी ग्रुप, बारामती यांच्या वतीने मुक्या प्राण्यांसाठी पाणी टँकरद्वारे फॉरेस्ट परिसर, मतिमंद आश्रम व गोशाळांमध्ये पानवटे भरण्याचा स्तुत्य उपक्रम राबविण्यात आला.
या उपक्रमास जैन मुनि गच्छाधिपती जैनाचार्य श्रीमद् विजय युगभूषणसुरीश्वरजी महाराज (पंडित महाराज साहेब) यांचे तसेच साधु-साध्वींचे आशीर्वाद लाभले.
यावेळी श्री जैन श्वेतांबर मूर्तीपूजक संघ, बारामतीचे चेअरमन मनोज मुथा, उपाध्यक्ष केवल मोता, सेक्रेटरी प्रताप दोषी, ट्रस्टी जयु मोदी, खजिनदार पी. टी. गांधी, ट्रस्टी मेहुल दोशी व जिगर ओसवाल उपस्थित होते.
तसेच नगराध्यक्ष सचिनशेठ सातव, नगरसेवक प्रसाद खारतुडे, पोलीस निरीक्षक श्रीशैल चिवडशेट्टी व अशोक राऊत यांनीही उपस्थिती
दर्शवली. गोशाळेचे संस्थापक सुनीलभाई मेहता, मतिमंद आश्रम कऱ्हावागजच्या संस्थापक राज रामेश्वरी जाधव व फॉरेस्ट अधिकारी गोलांडे यांच्या उपस्थितीत पाणी टँकरचे शुभारंभ करण्यात आला.
या उपक्रमाची जबाबदारी आभाळमाया सेवाभावी ग्रुपच्या वैशाली मुथा, कल्पना ओसवाल, हेमा ओसवाल, सुनिता मोदी, शिल्पा ओसवाल, लता ओसवाल, मंजू बोराणा, हर्षा शाह, नितल मुथा व योगिता मुथा यांनी यशस्वीपणे पार पाडली.उन्हाळ्याच्या तीव्रतेत मुक्या जीवांना दिलासा देणारा हा उपक्रम समाजासाठी प्रेरणादायी ठरत आहे.
No comments:
Post a Comment