बारामती :- बारामतीत गेल्या काही दिवसापासून उदंड प्रतिसादाने प्रत्येकाच्या मनात आकर्षित झालेले डी.जे.अम्युजमेंट प्रस्तुत महाराष्ट्रात प्रथमच बारामतीमध्ये लंडन ब्रिज,युरोपियन स्ट्रीट एक्झीबीशन भरविण्यात आले आहे. दरवर्षी नवनवीन संकल्पना घेऊन येणाऱ्या डी.जे.अँम्युझमेंटने यावर्षी बारामतीकरांना आता एक नवी नगरी घेऊन आले आहेत ज्यामध्ये लंडनचा ब्रिज आणि युरोपियन स्ट्रीट हे हुबेहूब चित्रांच्या माध्यमातून पहावयास मिळणार आहे.आणि लंडन ब्रीज वरून जाण्याची संधी उपलब्ध करून देण्यात आली आहे. येथील मिशन हायस्कूल मैदानावर ही पर्वणी बारामतीकरांना
पाहण्यास मिळणार आहे.तसेच खास शालेय विद्यार्थ्यांना व त्यांच्या फॅमिली साठी डिस्काउंट देण्यात आले असून याचा लाभ घ्यावा तसेच हा डिस्काउंट पास (कुपन) सोबत घेऊन येणाऱ्यास
लाभ मिळणार असल्याची माहिती जयप्रकाश, रवींद्रनाथ,रवी नायर यांनी माहिती दिली की शुक्रवार २७ जून रोजी सायंकाळी ५ वाजता उद्घाटन झाले.हे प्रदर्शन १७ ऑगस्ट २०२५ पर्यंत असणार आहे, याठिकाणी उभा करण्यात आलेला लंडन ब्रीज हा १८० फुटाचा आहे.याची उंची ४५ फूट आहे तर रुंदी १८० फूट आहे.याचबरोबर चित्रांच्या माध्यमातून विद्युत रोषणाई करून युरोप सिटी उभी करण्याचा प्रयत्न करण्यात आला आहे.
याठिकाणी लहान मुले ते सर्व वयोगटातील लोक धमाल मस्ती आणि मनोरंजन करणार आहेत.जायंट व्हील, कोलंबस, ड्रॅगनट्रेन, ब्रेक डान्स,मोठा पाळणा इत्यादींमध्ये आनंदाने राइड करू शकणार आहेत.तर मुलांसाठी पेडलबोट, जंपिंग, मिनी ट्रेन इत्यादी अनेक मनोरंजक राइड्स आहेत. घरगुती वस्तू, क्रीडा उपकरणे, कूलिंग भांडी, मुलांसाठी खेळणी आणि तयार कपडे हे सर्व एकाच छताखाली पाहण्याची आणि खरेदी करण्याची संधी या प्रदर्शनाच्या माध्यमातून मिळाली आहे.शिवाय पुस्तकांचाही स्टॉल आहे ज्याठिकाणी डिस्काउंट मध्ये पुस्तके खरेदी करता येणार आहेत.याचबरोबर स्वादिष्ट खाद्यपदार्थ, स्नॅक्स, पॉप-कॉर्न, कॉटन कँडी, सोलापुरी, पाणीपुरी, चाट, उटीचिल्ली भज्जी, कूलड्रिंक्स, आईस्क्रीम, चिल्ली गोबि मिरची भजी खाण्यास मिळणार आहेत.शिवाय सेल्फीही काढता येणार आहे.तरी बारामतीमध्ये प्रथमच आलेल्या या नगरीस बारामतीकरांनी अवश्य भेट द्यावी असे आवाहन संयोजकांनी केले आहे.
No comments:
Post a Comment