बारामती तालुका पोलिसांनी घरफोडीतील चार आरोपींना केली अटक..

बारामती तालुका पोलिसांनी घरफोडीतील चार आरोपींना केली अटक..

बारामती :बारामतीतील  भिगवण रोडवरील वंजारवाडी गावातील जगदंबा हॉटेलमध्ये झालेल्या घरफोडी आणि चोरीच्या प्रकरणातील चार आरोपींना बारामती तालुका पोलिसांनी भोर येथून अटक केली आहे. तपासात या आरोपींनी बारामती आणि नीरा परिसरातही चोरी केल्याचे निष्पन्न झाले असून न्यायालयाने त्यांना चार दिवसांची पोलीस कोठडी सुनावली आहे. 

दि. १६ ऑक्टोबर रोजी रात्री ११ वाजल्यापासून ते दि.१७ ऑक्टोबरच्या सकाळी ७ वाजेपर्यंत, अज्ञात चोरट्यांनी हॉटेल जगदंबाच्या दरवाज्याचे कुलूप तोडून आत प्रवेश केला आणि ३२ हजार रुपयांचा मोबाईल तसेच रोख रक्कम असा मुद्देमाल चोरून नेला होता. या प्रकरणी हॉटेल मालक विजय मोहिते यांनी बारामती तालुका पोलिस ठाण्यात फिर्याद दाखल केली होती.

फिर्यादीनंतर पोलीस निरीक्षक चंद्रशेखर यादव

यांच्या मार्गदर्शनाखाली तपास पथकाने तातडीने

तपास सुरू केला. गोपनीय माहितीच्या आधारे

पोलिसांनी भोर येथे धाड टाकून अनिल सुनिल

निकम आणि गणेश मधु निकम (दोघे रा. वडगाव  डाळ, ता. भोर, जि. पुणे) या दोघांना अटक केली.चौकशीत त्यांनी आपल्या साथीदारांची नावे रवी मंगेश जाधव आणि रवी बंडु थोरात ( दोघे रा.म्हातोबानगर, मुळशी, सध्या रा. रूई, ता. इंदापूर )अशी सांगितली.यानंतर पोलिसांनी रूई येथे छापा टाकून या दोघांनाही ताब्यात घेतले. चौकशीत आरोपींनी चोरीची कबुली दिली असून त्यांच्या ताब्यातून विविध कंपन्यांचे सात मोबाईल फोन आणि १,०५०

रुपये रोख असा एकूण मुद्देमाल हस्तगत करण्यात आला आहे. पुढील तपासात आणखी चोरीचा मुद्देमाल हस्तगत होण्याची शक्यता पोलिसांनी व्यक्त केली आहे.ही कारवाई पोलीस अधीक्षक संदीपसिंह गिल्ल,अप्पर पोलीस अधीक्षक गणेश बिरादार,उपविभागीय अधिकारी सुदर्शन राठोड यांच्या मार्गदर्शनाखाली पोलीस निरीक्षक चंद्रशेखर यादव यांच्या नेतृत्वाखाली पोलीस अंमलदार दादासाहेब दराडे, सुरेंद्र वाघ, किशोर वीर, भारत खारतोडे आणि निलेश वाकळे यांनी केली.