अखेर भूमिअभिलेखचे उपअधीक्षक अमरसिंह
पाटील निलंबित..
कामानिमित्त आलेल्या नागरिकांशी अरेरावीपणे
बोलणे, त्याचप्रमाणे कोणत्याही कामासाठी लाच मागणे,याबरोबरच पुण्यातील एका व्यापाऱ्याला हडपसर येथील मोजणीसाठी पन्नास लाख रुपयांची लाच मागणारा पुण्यातील हवेलीतील भूमिअभिलेख विभागातील उपअधीक्षक अमरसिंह पाटील याला अखेर निलंबित
करण्यात आले आहे.कोट्यवधीचा भ्रष्टाचार केल्याप्रकरणी येरवडा पोलिस ठाण्यात गुन्हा दाखल झाल्याने महसूल विभागाने कारवाई
केली असून, त्याच्या निलंबनाचे आदेश राज्य शासनाचे उपसचिव अश्विनी यमगर यांनी शुक्रवारी काढले आहेत. भूमिअभिलेख विभागाच्या पुण्यातील हवेली या विभागात
अमरसिंह पाटील हा उपअधीक्षक या पदावर कार्यरत होता.शिरस्तेदार, भूकरमापक तसेच वरिष्ठ अधिकाऱ्यांना हाताशी धरून बिनधास्तपणे कोणत्याही प्रकरणात लाच दिल्याशिवाय काम न करणे, अशी त्याची ख्याती होती.याबरोबरच कार्यालयात विविध कामांसाठी आलेल्या
सर्वसामान्य नागरिकांशी गैरवर्तन करणे, अरेरावीपणे बोलणे, मालमत्तेच्या मोजणीत अफरातफर करणे, लाच दिल्यावर लागलीच मोजणीची तारीख बदलणे,मोजणीमध्ये बदल करणे, अशी बेकायदा कामे करीत होता. दरम्यान, पुण्यातील एका व्यापाऱ्याकडे लाच मागण्याच्या प्रकरणावरून फसवणुकीवरून'भूमिअभिलेख'चे वरिष्ठ अधिकाऱ्यांनी याची प्रकरणाची
दखल घेऊन निलंबनाचा प्रस्ताव मंत्रालयाकडे पाठविला होता. पुण्यातील एका व्यापाऱ्याची हडपसरमधील जमिनीची मोजणी करण्यासाठी पन्नास लाख रुपयांची मागणी केली होती. तसेच रक्कम न दिल्यास 'हेलिकॉप्टर लावीन' या सांकेतिक भाषेत धमकी देखील दिली होती. याप्रकरणी संबंधितांनी थेट महसूलमंत्री चंद्रशेखर बावनकुळे यांच्याकडे तक्रार केली होती. त्याची दखल घेऊन येरवडा पोलिसात गुन्हा दाखल झाला होता.
No comments:
Post a Comment