खडकवाडी येथील तरुण संकेत पोखरकर सब लेफ्टनंट पदी..

खडकवाडी येथील तरुण संकेत पोखरकर सब लेफ्टनंट पदी..

लोणी धामणी:-  ता. 20 खडकवाडी तालुका आंबेगाव येथील शेतकरी कुटुंबातील तरुण संकेत दत्तात्रय पोखरकर वयाच्या अठराव्या वर्षी एप्रिल 2021 मध्ये झालेल्या यु पी एस सी(एन डी ए ) परीक्षेत उच्च यश संपादन केले. देशपातळीवरील एन आय आर 129रँक प्राप्त केली. इझीमाला (केरळ ) येथील इंडियन नेव्हल अकॅडमी सब लेफ्टनंट वर्ग-1 अधिकारी पदाच्या प्रशिक्षणासाठी त्याची निवड झाली आहे.

 संकेत चे शिक्षण प्राथमिक शाळा खडकवाडी येथे झाले असून,  त्याचे वडील दत्तात्रेय पोखरकर प्राथमिक शिक्षक आहेत. आई गृहिणी व शेतकरी असून पूर्ण शेतकरी कुटुंब आहे. संकेत चे माध्यमिक शिक्षण पुण्यातील ज्ञान प्रबोधनी प्रशालेत झाले आहे.

 तर उच्च माध्यमिक शिक्षण सैनिकी पूर्व प्रशिक्षण संस्था( एस पी आय ) औरंगाबादला झाले आहे. गावात संकेतची निवड झाल्याचे समजताच सरपंच कमल सुक्रे, माजी सरपंच अनिल डोके, एकनाथ सुक्रे, एकनाथ वाळुंज व इतर ग्रामस्थ सर्वांनी मिळून घरी जाऊन त्याचा सत्कार केला. 

 ज्ञान प्रबोधनी च्या माध्यमातून लष्कर प्रमुख मनोज नरवणे त्यांच्यापासून प्रेरणा घेऊन व जिद्दीने अभ्यास करून मी हे यश प्राप्त केल्याचे संकेत पोखरकर यांनी सांगितले. सत्काराच्या वेळी संपूर्ण कुटुंब हजर होते.  संकेत च्या उत्तुंग यशामुळे खडक वाडी गावांमध्ये उत्साहाचे वातावरण आहे,